5003/2025-2026 

Dated Siaha, the 25 March, 2026: Vawiin chawhma dar 11:00A.M. khan Pu VL Hruaizela Khiangte, District Bawrhsap hovin a office chamber-ah Siaha district-a tuialhthei (Petroleum, Oil & Lubricants) leh eirawngbawlna gas (Liquefied Petroleum Gas) dinhmun sawiho a ni a, Siaha district Joint control room member-te an tel, Joint Control Room member-te chu District Administrator, Police, DCSO leh DIPRO official-te an ni.

Pu VL Hruaizela Khiangte chuan March 20, 2026-ah Tuialhthei lei leh hralh chungchangah thupek chhuah anih tawh thu sawiin, “Siaha district tana lo thleng tuialhthei leh eirawngbawlna gas hi hmun dang leh ram dangah a chhuah kan remti lo, ram chhunga cheng mipui (consumer) te hi dah pawimawh hmasak ber tur a ni, a ti. Kawnga thang mek pawh a thlenna tur hmun thleng lova hruaikawi leh khawih chingpen a awm loh nan chak taka hma lak anih thu a sawi bawk.    

Bawrhsap chuan mipuite chu thuneitute thu ngaichang thiam tura chahin, ‘thupek ṭha taka zawm anih hian mipui te’n rualkhai takin kan ni tin mamawh tawk ṭheuh kan chang thei a, chutiang ni lova mahni duh zat zat kan lei chuan mi dangte tan harsatna kan siam thei a ni, a ti. Mipuite chu um leh thawl (gallon) hmanga tuialhthei la lo turin a chah a, a thawkte pawh chutianga lak phal lo turin a hrilh bawk.   

Joint control room meeting chuan Siaha district chhungah dik leh felfai taka tuialhthei leh eirawngbawlna gas lei leh hralh anih theih nan Filling station leh Gas Agent-ah te Closed-Circuit Television (CCTV) vuah ni se, District Administrator, SP leh DCSO-in vil se tih an rel a, tun dinhmunah ni tin mamawh a thleng ṭhaa district chhunga cheng mipuite tan tuialhthei leh eirawngbawlna gas-ah thlaphanna tur a awm lo.

March ni 25, 2026 (dar 10:00AM) a Siaha district tuialhthei (POL) dinhmun chu:-

1.    J. Rama filling Station, Siaha: MS 9000, HSD 7000 (kawnga thang mêk: HSD trip khat, MS trip 1)

2.    SPC filling station, Tipa V: MS 19000, HSD 18500 (kawnga thang mêk: HSD: Nil, MS: Nil) 

3.    Immanuel filling Station, Siaha: MS 11000, HSD 13000 (kawnga thang mêk: HSD: trip 1, MS: Nil)   

March ni 25, 2026 (dar 10:00AM) a Siaha district eirawngbawlna gas (LPG) dinhmun chu:-

1.    Mizofed, Siaha: Domestic (Kg 14.2) bur 324 niin, kawnga thang mêk bur 1026 (trip 3) a ni.

2.    Mizofed, Siaha: Commerical ah bur 18

Siaha district-a tuialhthei (POL) leh eirawngbawlna gas (LPG) chungchanga zualko duh emaw thu puarpawleng kara thu chiang zawk hre duh emaw tan phone number tarlanah hian Joint control room member-te an biak theih e: 6909538406, 6909716830