No.3740/2020-2021

Lawngtlai, Thlazing ni 3, 2020: Mizoramah COVID-19 hri vei hmuh chhuah belh zel a nih laiin he hri leng laka Lawngtlai District mipuite an him zawk theih nan Lawngtlai District Magistrate Dr Andrew H. Vanlaldika, MCS chuan vawiin khan CrPC (Criminal Procedure Code) 1973 section 144-na tlawh chhanin a hnuaia mi ang hian thupek a chhuah.

1.Lawngtlai khawpui chhungah phalna nei lovin vantlang hmunah mi panga aia tam pun khawm loh tur.

2. Zan dar 8:30 atanga zing dar 4:30 chhung hian Lawngtlai khawpui chhungah tu mah pawn chhuah loh tur a ni.

He thupek hian COVID-19 official duty, medical duty, dan leh thupek kengkawhtute, media person, P&E leh PHE hnuaia emergency duty te a huam lo vang."

He thupek hian thu leh a awm a nih loh chuan August thla chhung a huam ang a. A bawhchhia chu IPC (Indian Penal Code) section 188-na hmangin hrem theih an ni ang.