672/2024-2025
2024 Nikir thla ni 5: Tunlai hian Lawngtlai khawpui chhungah ui khuahkhirh loh a tam hlea hriat a nih avangin leh ui khuahkhirh loh hian mipui nunphung tikhaihlak a, harsatna nasa tak a siam bakah, ui seh report thlenga dawn a nih avangin Lawngtlai khawpui a lo thianghlim zawk a, mipuite an him zawk nan leh an lo hrisel zawk nan Lawngtlai District Magistrate Pu Cheemala Siva Gopal Reddy chuan vawiin khan Section 133 CrPC 1974 tlawh chhanin a hnuaia thupek hi a chhuah:
1. Ui vulhtute'n an ui vulh an khuahkhirh tlat tur a ni.
2. Mi tu mahin ui khawlaiah an chhuah tur a ni lo. An chhuah a nih pawhin a neitute'n chain-a thlungin an kai tur a ni.
3. Ui khawlaia tla leh a nghawnga chain-a thlunna awm lote chu a neitu awm lo anga ngaih a ni ang.
4. Ui vulhtute'n an ui vulhte zun leh ek khawlaiah an hnutchhiah tur a ni lo.
He thupek hian Lawngtlai District pum a huam ang a, thu leh awm hma chu thupek chhuah a nih aṭanga thla hnih (2 months) chhung a huam ang.
He thupek zawm lo chu Section 188 IPC dan hmangin hrem theih an ni ang.
