673/2024-2025

Hnahthial the 5th June 2024: Samagra Shiksha, School Education Department, Hnahthial District leh Mizoram Pollution Control Board tangkawp chuan vawiin khan World Environment Day, 2024 pualin Horeb Lodge Conference Hall, Rallang tlang, Hnahthial-ah hun an hmang a, Pu Chuauhnuna, District Bawrhsap leh District Education Committee Chairman ni bawk chuan Khuallian niin he hun hi a hmanpui.

Hun kaihruaitu Pu Micky R Lalenkawla, DEO & DPC, Samagra Shiksha Hnahthial chuan vawiin hun chu thuang hniha hman tur a ni a ti a, hun hmasa lamah formal programme hman tur a nih thu sawiin, programme thuang hnihna ah World Environment Day puala kawng zawh (Rally) leh Helipad tih fai hnatlang neih a nih dawn thu a sawi. Pu Micky R Lalenkawma chuan vawiin hun pawimawhna leh hman chhante sawiin kalkhawm zirlaite rilru leh ngaituahna ah environment humhalh duhna thinlung an neih theihna tura awareness tuh a ni a ti.

Khuallian Pu Chuauhnuna chuan kalkhawm zirlai naupang te, zirtirtute, khawtlang hruaitute leh chanchinthar thehdarhtute chu chibai a buk a, hun pawimawh taka thu sawi tura sawm a ni chu lawmawm a tih thu a sawi. District Bawrhsap chuan Mihring, nungcha, thing leh mau te inrem taka an chenna tura duan environment chhe tawh lutuk chu runthlak a ti hle a, bawlhhlawh paih dan fimkhur tawk loh vangte, thing leh mau sah thlak mai ching an awm avangte, ram tihkan ching, ramngaw zah pah hauh lova ti chereu thin kan la awm fo chu veiawm a tih hle thu sawiin khawvel nuam leh chhenfakawm siam turin sawrkar chauh nilo,zirlai, thalai, tlawmngai pawl te leh mipui tanrualna a pawimawh hle a ti bawk. Environment suasam chuan khualrel chhiatna tamtak- leimin, tui lian, khaw kheng, sik leh sa mumal lo leh harsatna tam tak a thlen thin tih tarlangin tun atang tang ho a, theihtawp chhuah a tul  takzet  a ti. Environment tih chereu vanga ram hrang hrang in chhiatna an tawh mek te a tarlang a, kumkhat chhung lekah sik leh sa a inthlak nasa lutuk tawh thu te sawiin khawvela cheng mihring, nungchate leh thing leh mau te chu in mamawh tawn a, inkungkaih vek kan ni tiin a humhalh kawnga theihtawp chhuah tlan a ngai a ti a, kalkhawm zirlai naupangte chu an ei leh in tuamna sarangte a paihna tur dik taka paih thin turin rilru siam thar se, thing phun uar turin leh thing leh mau ah damkhawchhuahna thui tak a innghah thu hre reng turin a chah bawk.

World Environment Day 2024 pual hian Environment Education Programme (EEP), Eco Club Mission Life hnuaiah thutiam chham rualna (pledge taking) Pu Micky R Lalenkawla kaihhruaiin neih nghal a ni. Vawiin vek hian Hnahthial District Inter School Eco Club buatsaih Waste to Art Exibition competition buatsaih lawmman sem nghal a ni a, Lawmman dawngtute chu:

A) Category A (For High School & Higher Secondary School Students)
1) Nolma Lalvenhimi- Govt Southern High School, Hnahthial ; citation + Rs 3,000/-
2) Lalpekzawna- Govt High School, Thingsai ; citation + 2,500/-
3) Lalruatdiki- Govt High Schoool, Cherhlun; citation +2,000/-
3) F Lalmuansangi- Govt High School, South Vanlaiphai ; citation + 2,000/-
4) Lydia Lalremruati, Govt High School, Thingsai; citation + 1,000/-
5) Janet Lalrinchhani, Govt High School , Thingsai; citation + 1,000/-

B) Category B (for Middle School students)
1) C . Zorinpuii- Govt Middle School, Hnahthial; citation +3,000/-
2) Ramengmawia- Govt Middle School, Thiltlang; citation +2,500/-
3) F Rosangpuia- Govt Middle School, Thiltlang; citation + 2,000/-
4) Ngurliantluangi- Govt Model Middle School, Hnahthial; citation + 1,000/-
5) F Lalruathlua, South Vanlaiphai Englush Medium School; citation + 1,000/-

World Environment Day, 2024 puala hun hi Dr Lalhruaitluangi, SDEO Hnahthial, Dy DPC, Samatha Shiksha Hnahthial ni bawk chuan lawmthu sawiin hun tawp a khar a ni.