674/2024-2025

LUNGLEI; the 5^th June, 2024:  Vawiin chawhma dar 11:00 khan DC Conference Hall-ah Lunglei Officers’ Club (LOC) chuan  Lunglei district atanga kumin (2024) HSSLC result chhuak-a  Top 10 a lang pha zirlai pahnih: Fakzuala chawngthu S/o C.Lalduhawma leh Thomas VL.Awmpuia Kompa S/o Dr.Vanlalhmuna Kompa te chawimawina hun an hmang.

Fakzuala chawngthu leh Thomas VL.Awmpuia Kompa  hi  St.Paul’s Higher Secondary School a kal  ve ve an ni a, Kumin 2024 HSSLC (Science stream) result chhuakah khan Top 10 zingah telin,  Fakzuala hi 4^th position niin, Biology subject a mark hmusang ber a ni bawk. VL. Awmpuia hian 10^th position a hauh thung a ni.

Vawiin Zirlai ti tha te chawimawina programme hi Er. Laltlanchhunga, Asst.Secretary, LOC in kaihruaiin, Pi Ramdinliani District bawrhsap leh LOC founding President ni bawk chuan khuallian niin hun a hmanpui a.  LOC din chhan leh thiltum te sawiin, DC chuan LOC hi nikum(2023) December thla a din chauh nimah se, LOC thil tum tam tak zinga pakhat chu High School leh Higher Secondary School zirlai te cho phur nan a HSLC leh HSSLC Examination-a Top 10-a inhlang pha te lawmpui leh chawimawi hi a ni a. Chutianga LOC thil tum tih hlawhtlin nan a zirlai naupang 2 chawimawi tur kan nei hi kan lawm hle a ni, tiin  zirlai naupang te chu an hmalam kal zelna turah duhsakna hlanin,chawimawina thuziak leh lawmpuina tangkafai  Rs.5000/- ve ve a hlan nghal bawk a ni. Zirlai chawimawi tak Fakzuala leh VL.Awmpuia pawhin thu sawina hun an hmang ve a ni.

 Er. Lalropuia Hmar, Fin. Secretary, LOC leh Dr. James Lalzuitluanga, Executive Member, LOC te hnen atangin zirlai naupang te hnenah fuihna thuchah (Motivational Speech) ngaihthlak a ni bawk.