DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lawngtlai-district-magistrate-in-phawngpui-tlang-leh-lungmawiah-intawllen-tura-kal-a-khapp

Lawngtlai District Magistrate-in Phawngpui tlang leh Lungmawiah intawllen tura kal a khap

No.3938/2021-2022

Ramtuk thla ni 8, 2022: Lawngtlai District huam chhunga COVID-19 hri pung mek karah tunlai hian mi thenkhat Phawngpui tlang leh Lungmawiah kalin, intawllenna hun an hmang thin tih hriat a nih avangin Mizoram sawrkarin COVID-19 darh zel tur venna SoP a duan zulzui leh Section 34(m), Disaster Management Act, 2005-in district authority hnena thuneihna a pek angin, Lawngtlai District Magistrate Dr Andrew H. Vanlaldika chuan vawiin (08.02.2022) khan thu leh awm hma chu Phawngpui tlang leh Lungmawiah mi tu mah kal phal a ni lo tih thupek a chhuah.

He thupek zawm lova kal lui an awm chuan an chungah dan hmangin hremna lekkawh a ni dawn a. He thupek hian Forest department duty te, Magistrate, Police leh VLTF duty-te erawh a huam dawn lo a ni.

Attachment