No.3937/2021-2022
Aizawl, the 8th February, 2022: Pi Nazuk Kumar, IAS, District Magistrate chuan lo hal chungchang leh kangmei chhuah chungchanga khapna thupek a hnuai ami ang hian a chhuah.
Khua a lo thal in lo hal a lo hun leh dawn ta a. Lo hal leh huan kan vah bak ram kan tih kan thin avangin kan ram thing leh mau, ramsa, nungcha, kan lui tui leh tuihna ten an tuar nasa em em a. Kang mei chhuak avangin kan in leh lo, kan ro hlu leh kan nunna hlu tak pawhin a tuarin kan chan fova, chuvangin kangmei laka kan him tlan nan khapna thupek chhuah thiltul tak a ni a.
The Mizoram (Prevention and Control of Fire in the Village Ram) Rule, 2001 leh District, Level Committee on Fire Prevention (DLCFP) meeting ni. 07.01.2022 -a thukhawm thu chhuak bawhzuiin, Section 144 Cr.Pc in thuneihna a pek hmangin a hnuaia mi ang hian khapna thupek ka chhuah e.
1. Mi tumahin meilam tha tawk sial hmasa lo chuan lo/ huan leh leipui an hal tur a ni lo.
2. Mi tumahin mihring nunna leh bungrua/ ro atana hlauhawm turin kangmei an ti chhuak tur a ni lo.
3. Mi tumahin eirawngbawlna leh ran chaw chhumna leh in tihlumna a tana hman thuk, meihawl, khawnvartui, gas, electric thuk etc. kangmei duhawm lo tichhuak thei zawngin an chelek tur a ni lo.
4. Mi tumahin ramhnuaia an meichhem ti mit lovin an kalsan tur a ni lo.
5. Serchhip District chhunga lo huan, leipui, Chachheh hal turte chuan March Ni 15, 2022 aia tai lovah hal vek tur a ni.
He thupek hi hman nghal tur a niin, sut leh a nih hma chuan thla hnih chhung atan hman tur a ni. He thupek bawhchhiate chu Section 188 IPC angin hrem theih a ni.
