635/2026-2027

Lawngtlai 21st May 2026 : Vawiin khan Lawngtlai District Mineral Foundation Governing Council - chuan an Chairman leh Bawrhsap nibawk Pu Donny Lalruatsanga kaihhruaiin DC Conference Hall - ah thutkhawm an nei. 

Pu Donny Lalruatsanga chuan Lawngtlai District- atanga Mining-  titute  hnen atanga royalty leh fine lut thinte dik leh tangkai taka hman chu thil pawimawh tak a ni, a ti a. A bik takin Mining atanga sum hmuhte chu dik, felfai leh langtlang taka enkawl a tul hle tih sawiin, khawtlang leh  ram hmasawnna tura hman a nih tur thu a tarlang a ni. Bawrhsap chuan Lawngtlai District - chhunga  Mining kalpuite chu  dan ang thlap a hna thawk tur leh sawrkara sum an chhunluh ngai ang angte tha taka chhung lut tura chahin, heng sum tlingkhawmte hi mipuite tan tangkai taka hman a ni ang a ti bawk. 

Er. Lalthankima, Asst. Controller of Mines, Directorate of Geology and Mines, chuan Power Point Presentation - pein,  District Mineral Foundation' (DMF) kalphung tlangpui sawiin,  DMF tum ber ber chu Pradhan Mantri Khanij Kshetra Kalyan Yojana (PMKKKY) kalpui a ni, a ti a . DMF hnuaia Sum lakluhna - Royalty, Fines, Sum hmanna tur - High Priority Sector, Other Priority Sector, Administrative Cost; leh DMF Fund chungchang sawifiahna a nei a ni. 

Thutkhawmah hian Lawngtlai District - in DMF Fund a neih cheng 1,29,314/- hman tangkai dan tur sawihona neih a ni a. Danin a phut angin, hmanna tur felfai tak siam phawt ni se tih tiin  ruahmanna hi  DMF Governing Council - thutkhawm leh hunah siam ni se an ti a ni. 

Thutkhawmah hian Lawngtlai District Mineral Foundation Governing Council  Member- te an tel kim tha hle a, Pu Donny Lalruatsanga chuan lawmthu sawiin hun a khar.