634/2026-2027

Saitual, the 21st May, 2026: Vawiin khan DC Conference Room, Saitualah Pi Mary L. Rodinpuii, Election Officer kaihhruaiin Special Intensive Revision, 2026 Mizorama kalpui mek chungchangah Political Party te nen chiang zawka inhrilhfiahna leh hma lakna tur hrang hrangte sawi hona hun hman a ni. 

He hunah Pi Mary L. Rodinpuii, EO chuan thu a sawi a, vawiin thutkhawm chu SIR chungchanga thutkhawm hmasa ber a ni tih sawiin, political party te chu SIR 2026 atan hian an pawimawh hle a ni, tih a sawi. Party hruaitute chu party hrang hrang aiawh te ni mah se tanho a tul hle a ni tih a sawi a, roll-ah mipuite thun kim an nih theih nana hma lak te, Booth Level Agent (BLA) hmalakna hriatpuite a tul a ni, a ti.  

EO chuan BLA list te chu endik a, siam that ngai a awm a nih chuan Election branch lam hriattir turin party hruaitute chu a chah a, mahni awmna Whatsapp groupah te theih tawpa SIR pawimawhna te chu uar taka puangzar turin a chah bawk a ni. Pi Mary L. Rodinpuii chuan SIR 2026 hlawhtling taka neih a nih theih nan chuan tanho a tul tih a sawi a, hriat chian duh nei tan pawhin Election Branch chu an inhawn reng thu a sawi bawk a ni.  

Vawiin thutkhawm hi Pi Mary L. Rodinpuii, Election Officer chuan a kai hruai a, INC, MNF leh ZPM Political Party aiawh pahnih theuh telin, Political Party te hian EVM-VVPAT Warehouse an tlawh bawk a ni.