633/2026-2027

Siaha, the 21st May 2026: District Level Consultative Committee, District Level Review Committee thutkhawm chu vawiin khan SDO (S) Pu Vanlalchhuanliana kaihhruaiin DRDO Conference Hall, Siaha-ah neih a ni.

Vawiin meetingah hian thutkhawm hnuhnung bera minute ngaihthlak niin pawm tlan a ni a, bank hrang hrangte hnathawh leh tih tur a tuk te thlirho a ni.

Vawiin Meeting in a tarlan danin banka pawisa dahkhawm (deposit) zat za zela bank in an pekchhuah (credit) zat chhutna credit deposit ratio chu 81.13% a ni a, quarter hnuhnung ber (96%)  tehkhinin 14.87% in a hniam a ni.

March Ni 31, 2026 thlenga bank hrang hrang in loan an pekchhuah zat tur bituk (Annual credit plan) te, KCC loan pekchhuah tur bituk an siamte, Self Help Group te tana loan pekchhuah zat te, PMEGP leh NULM hnuaia loan pekchhuah dan te leh loan hrang hrang pekchhuah dan dinhmun thlirho a ni. Mipui nawlpuiin bank leh a kaihhnawiha hriattur tul leh pawimawh an hriatchian lehzual nan zirtirna (Financial Literacy Campaign) buatsaih nasat a tul thu bakah bank branch hrang hrangah venhimna uluk zawk kalpui a tul thu te tarlan a ni.

Pawisa dah hmasa lova account hawn theih na (Zero balance) Pradhan Mantri Jan Dhan Yojana leh social security scheme hrang hrang - PMSBY, PMJJBY leh APY a Siaha bank te dinhmun leh hmasawn dan tur chungchangte sawiho nghal niin  2026-27 chhunga hman tur Annual Credit Plan thlirho nghal a ni.

Siaha District chhungah tun dinhmunah Bank branch 8 a awm mek a, SBI-1, MCAB-2, IDBI-1, HDFC-1 leh MRB-3 a awm mek a ni.

Vawiin thutkhawmah hian Lead District Manager Pu JM Soren bakah NABARD aiawhte, RBI aiawhte, Bank branch hrang hrang aiawhte leh department official te an tel a ni.