632/2026-2027

Lawngtlai, 21st May 2026 : General Administration Department (GAD) Government of Mizoramin 'Economy and Fuel Conservation Measures' a tihchhuah tak bawhzawiin vawiin khan Lawngtlai Bawrhsap Pu Donny Lalruatsanga kahhruaiin DC Conference Hall - ah Heads of Department - ten thutkhawm an nei.

Pu Donny Lalruatsanga chuan kalkhawmte hnena lawmthu sawina a nei a. West Asia buaina avangin khawvelin tuialhtheiah harsatna a tawk mek tih sawiin, heihian nghawng a nei lian hle a ni, a ti. Economy and Fuel Conservation Measures - chungchanga Prime Minister - in ngenna a siam bawhzuia GAD- ten Office Memorandum - a tihchhuah chu Lawngtlai District-ah pawh a theih chin chinah kalpui a tul hle a ti a. A bik takin tuialhthei leh kawlphetha renchem kawngah department hotute mawhphurhna la ngam tur leh inrenchem thar turin a chah a. Office Memorandum- in a sawi ang a Public Transport - hman tangkai thiam te, Video Conference kaltlanga Meeting neih te, tul loa District pawn lamah zin leh a dangte theih chin china zawk turin Heads of Department - te a chah nghal bawk a ni. 

Thutkhawmah hian GAD in Office Memorandum- a tihchhuah chu uluk taka sawiho a ni a. Kawlphetha renchem kawngah mahni Office - ah theuh bawhzui ni se, Nilai Ni ah ' No Official Vehicle Day ' kenkawh ni se,  tul leh pawimawh a awm a nih loh chuan District - pawn lamah leh State pawnah te  zinchhuah lo hram ni se an ti a. Office staff atanga zaa sawmhnih ten in lam atanga hnathawh tur tih chu mahni department remchan dan anga kalpui ni se tiin GAD Office Memorandum- chu a theih ang anga zawm ni se an ti bawk a ni. 

Vawiin thutkhawmah hian Heads of Department - te an telkim tha hle a, Pu Donny Lalruatsanga chuan lawmthu sawiin hun a khar.