2011/2026-2027

Lawngtlai, the 31st August, 2026 : Vawiin chawhnu dar 1:00 PM khan DC Conference Hall, Lawngtlaiah Bawrhsap Pu Donny Lalruatsanga kaihhruaiin Lawngtlai District Mineral Foundation Governing Council, ten thutkhawmna an nei.

Pu Donny Lalruatsanga chuan kalkhawmte chibai bukin Lawngtlai District Mineral Foundation Governing Council chu nikum September atanga din chauh a ni a ti a. He Council hi tharlam tak a nih angin, a kalphung leh nihphungte pawh zirchiana a pawimawh hle ati. Lawngtlai District- ah chu ADC pahnih (LADC leh CADC) a awm angin ADC - te nen thawhhona tha neih a tul hle bawk a ti Bawhrsap chuan Lawngtlai District- a leilung hauhsakna tangkai taka hmang tur leh a tul anga hmalak zel a nih tur thu a sawi bawk.

Er. Lalnunsiama Fanai, Asst. Controller of Mining, chuan DMF nih dan leh kalphung sawi zauna a nei a. Geology & Mining hnuaiah Lawngtlai District- atanga Royalty lut atangin DMFGC - ah 10% a luh thin thu tarlangin, Fund lut hi DMF in tul leh tha a tihna a hman theih a nih thu a sawi. Lawngtlai District bikah chuan May, 2025 atanga Survey an neih tawh thu sawiin, District hrang hranga DMF Fund neih dan tarlanna a nei bawk.

Thutkhawmah hian DMFGC, Lawngtlai District - in fund ₹1,29,314/- a neih thu ngaihthlak niin, a hma thei ang berin DMFHC puala Account hawn ni se, fund a luh hunah Cooler District Jail - a dah tur lei ni se an ti a. DFMGC Member- ah hian LADC leh CADC - a Chief Executive Member, Executive Member leh DCCF - te ruat ni se tih a ni bawk.

Thutkhawmah hian Lawngtlai District Mineral Foundation Governing Council Member- te an kal tha hle a, Bawrhsap chuan lawmthu sawiin thutkhawm hi a khar.