2010/2026-2027

Lawngtlai, the 31st August, 2026 : Vawiin chawhnu dar 2:00 PM  khan Deputy Commissioner, Lawngtlai Office Chamber- ah Bawrhsap Pu Donny Lalruatsanga kaihhruaiin Lawngtlai District Level Monitoring Committee on MOVCD-NER thutkhawmna neih a ni.

Pu Donny Lalruatsanga chuan member kalkhawmte hnenah lawmthu a sawi a. Kuthnathawktuten  hlawk zawk leh awmze nei zawk a 'Organic farming'  an kalpui theihna tur te, eikhawp ngawr ngawr chauh thar thin te pawhin an thlai thar te hralh suma an chantira, sum lakluhna tha zawk an neih theihna tura sawrkarlaipui ruahmanna a nih angin Lawngtlai District- ah pawh tha taka kalpui a tul hle a ti a. Bawrhsap chuan Farmer- te dinhmun hriaa, an mamawhna ang taka hmala turin Member- te leh line department- te a chah nghal bawk.

Thutkhawmah hian meeting hmasaa rel tawhte thlirho a ni a.  FPC -7 in Collection Center dinna tur DPR leh FPC -3 in Transportation Vehicle atana  DPR siam State Level Implementing Agency - in a pawmpui tawh chu Distrtic Level Monitoring Commitee - chuan a pawmpui ve  a ni.

Thutkhawm ah hian Distrtic Level Monitoring Commitee (DLMC) Member leh  Farmer Producer Company (FPCs)  te an tel thei a, Bawrhsap chuan lawmthu sawiin thutkhawm hi a khar.