3621/2023-2024

Lawngtlai dated 2nd February 2024: Vawiin chawhma khan Executive Engineer, PHED, Lawngtlai pisaah ODF+ Verification Team-te chuan thutkhawmna neiin Er. Netralal Jaisi, EE, PHED chuan hun a kaihruai a. Jal Jeevan Mission leh Swachh Bharat Mission kaltlang Lawngtlai district-a in tin a tui thinghlim herh haw theih a thunzawnna leh faina kawng a hmalakna hrang hrang avang a ODF dinhmun ni mek chu ODF+ a hlan kai a nih theih nan Verification Team-te hian endikna an kalpui dawn a ni.

Hun kaihruaitu Er. Netralal Jaisi, EE, PHED chuan ODF+ dinhmun a Lawngtlai district hlan kai a nih theih nana tehfung hrang hrangte tarlangin Individual Household Latrine (IHHL) in tina a awm a ngaih bak ah bawlhhlawh tawih thei leh thei lo paihna bik siam te, tui chhe paihna (Compost Pit leh Soak Pit) a awm a ngaih thu leh khawchhung hmun ualau lai ah fai tur a inzirtirna thu ziak tarlanna te siam a ngaih thu a sawi a. Khawtlang hriselna chu kan tui tlan leh bawlhhlawh kan sawngbawl dan ah thui tak a innghah avangin Sawrkar department hrang hrang leh khawtlang hruaitute nen fai tur a hmalakna kawng ah tanrual a pawimawh thu a sawi.

ODF+ Verification Team-te hi pali niin Sangau, Chawngte, Bungtlang leh Lawngtlai Block-a khaw 108 a hmalaknate an endik dawn a. February ni 15 hma hian endikna hi zawh fel hman tur niin Verification team-ah hian PHED-a thawktute bak ah District Education Office, Block Development Office, Chief Medical Office, District Agriculture Office, District Information & Public Relations Office leh Education Department, LADC leh CADC atangte in ruat an ni.