Vawin chawhnu dar 1:00 PM khan Lawngtlai DC Pu B. Lalhmingthanga MCS Office Chamber-ah District Task Force Committee on Prime Minister’s Employment Generation Programme (PMEGP) chu Review Meeting neiin an thu khawm a. PMEGP loan chungchanga Nodal Department pahnih- KVIB leh DIC te hmalak tawh dan te, loan petu Bank pathum - Mizoram Rural Bank te, Mizoram Cooperative Apex Bank leh State Bank of India - Lawngtlai Branch ten hma an lak dan te thlirin thawh ho zel dan tur an sawi ho a ni.

District Task Force Committee on PMEGP mipuiin PMEGP loan chungchang an lo hriat chian leh zualna atan leh bank loan rulh that a tul thu an hriatna atante loan latute puala training neih an tum a. Loan latute tana training ngei ngei ngai E.D.P. Training pawh neih thuai tum a ni bawk. PMEGP loan hi 2011-2012 bak hi chhunzawm a ni tawh dawn lova; chuvangin tun kum kal meka loan latu turte tan Dec 31, 2011 hmain engkim tihfel tur a ni.