Vawiin chawhma dar 11:00 AM khan Govt. Region High School, Lawngtlaiah National Disaster Management Authority Day hman a ni a. Pu H. Lalrammuana MCS, SDC in he hun hi kaihruaiin Lawngtlai DC Pu B. Lalhmingthanga MCS chu Khuallian a ni.

Khuallian Pu B. Lalhmingthanga chuan lirnghing te, tuilian te, thlipui leh kangmei lakah te lo inven dan kan zira kan hriat a pawimawh a ni a ti a. Khawvel hmun hrang hrangah chhiatrupna a thleng a, chhanchhuah hna te thawh a ni zel a. Kan ramah pawh hetiang chhiatrupna hi thleng thei a nih avangin mipuiten heti lam hawi zirtirna kan dawn a pawimawh a ni a ti.

National Disaster Management Authority Day pual hian High School Level Painting Competition neih nghal a ni a; result erawh chu Faina Hapta programme-ah puana lawmman sem a ni ang. NDMA Day lawmnaah hian Pu Lungduhsanga, Project Support Associate, UNDP in thu a sawi bawk.