1656/2026-2027

Lawngtlai, 5th August 2026: Vawiin khan Lawngtlai District Road Safety  Committee (DRSC)  chuan an Chairman leh Bawrhsap nibawk Pu Donny Lalruatsanga kaihhruaiin a Office Chamber-ah thutkhawm an nei.

Pu Donny Lalruatsanga chuan Member- te chibai bukin Supreme Court- thuchhuak bawhzuia thutkhawm neih a nih thu a sawi a. Lirthei accident - tih hniam,kawngpui himlo zirchiana a tul anga hmalakte bakah DRSC thutkhawm kum khata vawi li   tal neihte  chu ngaihpawimawh a nih tur thu a sawi a. Supreme Court - thuchhuak anga chak taka hmalak a nih tur thu sawiin, Commitee Member - te theihtawp chhuah turin a chah nghal bawk.

Thutkhawmah hian thil pawimawh tak tak sawiho a ni a. Lawngtlai District- ah Accident - a tamlo hle tih ngaihtlak a ni a, kum khata  Accident thleng thin chu 10% a tihniam tura hmalak ni se an ti a. Accident - thlen theihna hmun awm ang angte tihchian ni se, BDO ten anmahni huam chhungah theuh hma lo la se; kawngpui enkawltuten signage leh motor himna tur barrier - te dah turin hma lo la se an ti a ni. National  Highway - a SOP hman tur duan tawh chu a rang   lama sawrkara thehluh  ni se an ti a. PWD (Roads) - ten NH 02, leh NH 502- A ah 'encroachment' a awm em tih lo zirchiangin, a tul angin hma lo la se an ti a ni. National Highway -dunga 'Trade License' pek kawngah fimkhur ni se,  Road Safety Task Force leh Road Protection Squad - ten chak zawkin hma lo la se an ti bawk a ni.

Vawiin hun hmannaah hian Lawngtlai District Road Safety  Committee (DRSC) Member- te an tel kim tha hle a,  Pu Donny Lalruatsanga chuan lawmthu sawiin hun a khar.