2703/2026-2027

Lawngtlai, 15th October 2026: Vawiin khan Lawngtlai Bawrhsap kaihhruaiin Lawngtlai District Steering Committee on NILP (New India Literacy Programme)/ ULLAS (Understanding of Lifelong Learning for All in society) 2026-2027 & Rapid Action for Eradication of Residual Illiteracy Project (RAERIP) 2026- 2027 chuan  DC Conference Hall-ah thutkhawm an nei.

Pu Donny Lalruatsanga chuan kalkhawmte chibai bukna a nei hmasa a. New India Literacy Programme (NILP) hi ULLAS (Understanding of Lifelong Learning for All in Society) tih pawha hriat a ni a, He programme hi kum 15 leh a chunglam mi, ziak leh chhiar thiam lo te zirtirna hun remchang siam tumna atana kalpui a ni a; Rapid Action for Eradication of Residual Illiteracy Project (RAERIP) chu  ziak leh chhiar thiam lo la awmte hriat chhuah a, anmahni tan zirtirna leh thiamna neih theihna remchang siam tumna project a ni, a ti. NILP/ULLAS leh RAERIP kaltlaning  mi zawng zawngin ziak leh chhiar thiamna leh zirna remchang an neih theihna tur chu a tum ber a ni, a ti a. Bawrhsap chuan he  hmalakna hlawhtlinna atan education department, local institution-te, khawtlang hruaitute, Kohhran, volunteer-te leh mipuite thawhhona a pawimawh hle tiin thawhpuiah a sawm nghal a ni.

Pi N. Vanhlamawii APO, Samagra Shiksha hnen atangin  ULLAS hnuaia hmalak  tawhna report  ngaihthlak niin, hmalakna tur kawng hrang hrang sawiho a ni a. Steering Committee chuan Directorate, Education Department - lamin 'Learning Materials' an pek thuai theihna tura provide thuai tura hmalak ni se an ti a. Literacy Campaign-  neih tha tih pawm tlangin, District Working Committee - te chu  hma lo la chhunzawm tura ruat an ni. Village Level Committee-  din ni se tih niin; he Committee- hian Volunteer Teacher - tur  thlan leh endikna kalpui bakah   a tul dangte lo  buaipui se an ti a ni.. Kohhran leh NGOs te nen thawh dun a  pawimawh tih pawm tlan a ni a,a bik takin Mission School - neite nen theihtawp chhuaha hmalak ho ni se an ti bawk a ni.

Thutkhawmah hian Steering Committee - te an telkim tha hle a, Bawrhsap chuan lawmthu sawiin hun a khar.