Vawiin hian Lawngtlai DC Conference Hall ah Lawngtlai District Vigilance and Monitoring Committee chu an chairman Pu CL Ruala, MP Lok Sabha hovin an thukhawm a, kumin sawrkar kum kal meka hmasawnna hnathawh hrang hrangte an thlir ho.

Pu CL Ruala chuan, sawrkar hnathawktute hian dik taka hnathawh hi kan bat ani tih hre thar fova, thinlunga tumna nghet tak nena kan hma hlen kan tum a pawimawh hle a ni, a ti a. Lawngtlai District chhunga hnathawh thenkhat, Lunglei lam atanga vilte an awm hlawm avangin District Vigilance Meetingah Lunglei lam atanga Official sawm a ngaih thin tur thu a sawi bawk.

Committee report dan in PMGSY atangin Diltlang to Chawngte kawng km 40.310 a thui, Rs 24.77 Crore senna tur laih mek a ni a, fund dawn rualin hna hi thawh chhunzawm nghal zel a ni. Swachh Bharat Missions (Rural) Programme hnuaiah ekin 2030 sak tura ruahmanna a awm mek bawk a. Heng zinga ekin 780 te hi tun sawrkar kum chhunga sak zawh hman tum ani a, chumi atan chuan khaw 13 thlanchhuah tawh a ni. Bawlhhlawh paihna hmun tur pawh khaw 35 tan ruahmannasiamani a, kumin chhungin khaw 3siamfel sak hman tum a ni. Swachh Bharat (Rural) Missions atan hian Rs 697.20 Lakhs ruahmanna a ni a, Rs 149.26 chu hmuh tawh niin he sum atang hian kumina hmalak tura thlante khi thawh an ni ang. Heng bakah hian mipuite faina kawnga zirtirna hrang hrang neih mek a ni bawk.

Kumin chhungin ni za inhlawhna vawi 7 thawh tawh a ni a, chumi atan chuan Rs 407.129 Lakhs hman ral ani bawk. Lawngtlai District ah hian Job Card 27504 a awm mek a ni. Backward Region Grant Fund (BRGF) atangin 2014-15 ah  sum Rs 1175.66 lakh hmuh a ni a, tunah Rs 262.59 chu hman tawh niin heta tang hian hna chi hrang hrang 28 thawh mek an ni.

Integrated Watershed Management Programme (IWMP) kumin chhungin Rs 727.05 lakh hmuh tawh a ni a, heng zinga Rs 441.0163 Lakh chu Project Implementing Agency (Department hrang hrang) te hnenah semchhuah tawh niin tunah hian hna an thawk mek bawk.

District Vigilance and Monitoring Committee ah hian Bawrhsap Pu J. Hmingthanmawia bakah Pu H. Dolianbuaia, Project Director DRDA leh member dangte an tel a ni.

 

Attachment

  • Loading attachment...