Nimin khan 162 Bn BSF, Zotlang leh Sub Hqrs YMA, Lunglei chuan Conference Hall, Venglai-ah khawpui chhunga sikul hrang hrang zirlaite tan ‘Career Guidance Awareness’ an buatsaih a. BSF CO Pu Ajith Kumar V pawhin he hun hi hmanpuiin zirlaite chu thahnemngai taka lehkha zir tur leh tum nei nghet turin a fuih.

‘Career Guidance’-ah hian heng sikul - Chhimtlang HSS, KT School, Sandaven HSS, DMP Solen Lunglei leh Solomon HSS - atangin zirlai 60 chuang an tel a; Asst Commandant,162 Bn BSF Gurinderjit Singh leh BSF hotu dangten armed forces peng hrang hranga luh dan chungchang an hrilhfiah a ni.