Right to Information (RTI) Week 2015 hawnna chu vawiin khanSt. Joseph's Parish Hall Kolasib-ah neih a ni a, he hun hi Mizoram Information Commission-a Information Commissioner Pu L. Hrangnawna IPS (Rtd.) in a hmanpui a ni.

Kolasib Addl. DC Pu R. Lalremsanga kaihhruai RTI Hapta hawnnaah Pu L. Hrangnawna chuan Right to Information hi Sawrkar hnathawh leh kalphung langtlang (transparency) leh mawhphurtu nihna (accountability) kengkawh thei tu hmanraw pawimawh tak a ni a, hlemhletna (corruption) veng thei ruahmanna tha tak niin mipui tena an dikna leh an chanvo an hriat theihna atan thil tha tak a ni, a ti a. Mizoram Information Commission hnathawh leh hmalakna tlangpui te tarlangin Mizoram-ah chuan RTI chungchang hi  mipui in hmelhriat hle tawh nia a hriat thu leh awareness pawh tun hma lam ngaihtuah chuan a tha thawkhat nia a hriat thu te sawi bawk.

He hunah hian Kolasib DC Pu Jitender Yadav pawhin thusawiin RTI chungchangah hian Sawrkar hnathawk leh mipui ten website hi kan hman tangkai tum a tha a, mipui tena an hriat tur leh thil pawimawh ang chi hi website kaltanga mipui te hnenah kan puanzar leh kan chhawpchhuah chuan nasa leh zawkin RTI tum hi kan ti hlawhtling thei dawn a ni, a ti.

RTI Week hawnna programme ah hian zawhna leh chhanna hun buatsaih a ni bawk a. Kolasib a thuthar thehdarhtu te, Sawrkar office-a thawk RTI lama mawhphurna neite  leh tlawmngai pawl hruaitu ten RTI chungchanga zawhna leh hriat belh an duh te an zawh chu Information Commissioner hian a chang a ni.

He programme ah hian Kolasib a Department hrang hrang hotu lu te chu an tel kim hle a ni.