Nizan khan Lawngtlai District Legal Services Authority leh ÈšKP, Chandmary Unit tang kawp chuan BCM Chandmary Sande Sikul Hall-ah dan lam zir hona (legal awareness campaign) an buatsaih.
He hun hi Nl C.Lalhlimpuii chuan a kaihruai a. Resource person, Lawngtlai Chief Judicial Magistrate Pu Laldinpuia Tlau chuan service matter lama hriat tur pawimawh leh tul te, khawtlanga hmeichhiate'n chanvo leh chanpual an neih te a sawi a. Thalaite chu dan hriatna lama ke pen tur leh Court hmang tangkai a, harsatna an tawh changa pan nachang hre turin a fuih nghal.
Resource person dang Pu MC Lalbiakliana, Advocate chuan ro khawm dan leh mihring intih hmingchhiatna awm thei te leh a hremna te, chuti ang laka inven dan turte a zirtir bawk a. Hemi hnu hian zawhna leh chhanna hun hlawkthlak tak hman ho niin, Pu RC Lalramnunpuia'n lawm thu sawiin hun a khar a ni.
