Hmarchhak bial chhung, a bik takin Mizorama mimal ten Industry than zelna atana hma an lak tumna leh hma an lak theihna chungchanga UGC tanpuinaah ni 2 awh sawihona Seminar, Government Hrangbana College leh Department of Commerce, Mizoram University tangkawp ten an buatsaih chu vawiin khan I & PR Conference Hall ah tan a ni a. Seminar thupui hi ‘Entrepreneurial Endevaours for Industrial Growth in North east India and Mizoram in Particular’ tih a ni.

Seminar hawnna inkhawm tukin zinga neih hi Prof. Lianzela, Vice Chancellor, MZU chuan khuallin niin a hmanpui a, inkhawm hi Pu Lalrinawma, Principal, Government Hrangbana College in kaihruaiin a bika sawm, Prof. Sudipti Banerjea, University of Calcutta chuan Keynote Address a sawi a ni. Vawiina Seminar thawh khatna thupui ‘Entrepreneurship : Employment and Economic Development’ chu Prof. NVR Jyoti Kumar, Dean, SEMIS, MZU in sawiin he Session ah hian mithiam 5 ten an thuziak sawiin hun an hmang a. Chawhnu Session Theme ‘Entrepreneurship and MSME Sectors’ tih chu Dr. Rama Ramswamy, Asst. Professor, Dept of Commerce, MZU chuan sawiin mithiam 5 dangten an thuziak sawiin hun an hmang bawk a. Naktuk ah hian chhawng hnih bawkin Seminar hi a hmun ngaiah neih a ni leh dawn a ni.