No.2401/2020-2020

Lawngtlai, Nikir thla ni 24, 2020: Vawiin khan Lawngtlai quarantine centre-a awm mekte ei in mamawh phuhruk nan MzSRLM, Lawngtlai RD Block hnuaia Paithar Village Organisation (VO) leh Theirekawn Self Help Group (SHG), Paithar leh Kawlchaw 'W' YLA te chuan Lawngtlai District Level Task Force (DLTF)-ah tanpuina thlai thar leh thilpek dang an hlan.

Paithar VO leh Theirekawn SHG, Paithar te'n thlai thar an pekte hi Block Mission Director (MzSRLM)/BDO Pu Lalremruata Sailo chuan Addl DC Pu K. Laltlawmlova kutah a hlan a. An thil hlante hi - antam par tel 7, tampui tel 11, phuihnam tel 2, changkha hnah tel 10, maian tel 21, anthur tel 11, bawkbawn kg 2, samtawk kg 2, hmarcha hring kg 5, maitamtawk kg 5, chi kg 1 leh chini kg 1 a ni a. Theirekawn SHG hian pawisa fai Rs 1,000/- an hlan tel bawk.

Kawlchaw 'W' YLA te'n an thil hlan hi - theihai ip 3, antam tel 40, maian tel 40, behlawi hnah tel 40, runhmui leh anthur te a ni thung.

Thilpek petute chungah Lawngtlai DLTF chuan lawm thu a sawi a ni.

Attachment

  • Loading attachment...