No.2632/2020-2020

Lawngtlai, Vawkhniahzawn thla ni 1, 2020: Vawiin khan Lawngtlai District Rural Development Agency (DRDA) chuan Pradhan Mantri Awaas Yojana - Gramin (PMAY-G) leh Mahatma Gandhi National Rural Employment Guarantee Act (MGNREGA) hnuaia kum 2019-2020 chhunga DRDA office leh block tina hna thawk tha field level worker-te hnenah chawimawina an hlan.

DRDA Project Director (PD) pisaa chawimawina hlanna hun buatsaihah PD Pi Marilyn Rualzakhumthangi, MCS chuan Lawngtlai District DRDA hma sawnna hrang hrang tar langin, Mizorama district hrang hrang zingah tun hnaiah Lawngtlai DRDA chu hna thawk tha palinaa an invawrh chhoh thu leh PMAY-G-ah phei chuan India rama COVID-19 laia Aadhaar seeding nei tha ber district zinga an lan thu a sawi a. Thawktute inlungrualna leh thawh hona vang te, zan rei tak thlenga an thawh thinna rah te a nih thu sawiin, staff-te chungah lawm thu a sawi.

PD chuan Lawngtlai DRDA hnuaia thawktute chu an thawk tha theuh chungin, thawktute inkarah inelna thianghlim a awm theih nan leh intihphur nan, tehna hrang hrang hmanga a thawk tha zual bik nia an hriat an thlan chhuahte chu chawimawina hlan an nih thu a sawi a. Chuti ang chawimawina chu felfai zawk leh hunbi neia siam chhoh zel an tum thu a sawi bawk.

Field level worker thawk tha chawimawina dawngtute chu:

PMAY-G-ah:
1. Lawngtlai RD Block - C. Vanlalfakmawia, VLAA
2. Chawngte RD Block - Banu Chakma, VLAA
3. Bungtlang 'S' RD Block - H. Remruatsanga, VLAA
4. Sangau RD Block - Lalhmangaihzuali, BFT
5. DRDA - C. Lalmuantluanga, CA

MGNREGA-ah:
1. Lawngtlai RD Block - Ronald H. Zodingliana, VLAA
2. Chawngte RD Block - R. Lalkulhmawia, VLAA
3. Bungtlang 'S' RD Block - Joab Lalnunga, VLAA
4. Sangau RD Block - Tlangboiliana, VLAA

Chawimawina hian pawisa fai Rs 3,000/- bakah citation a keng tel a ni.

Attachment

  • Loading attachment...