No.1358/2021-2022
Lawngtlai, Vawkhniahzawn thla ni 12, 2021: Lawngtlai District chhungah COVID-19 positive case a pun zel avang te, nunna chan hial an awm tak avang te leh contact tracing-ah harsatna a awm thin avang te'n Lawngtlai District Magistrate Dr Andrew H. Vanlaldika chuan Disaster Management & Rehabilitation Department, Govt of Mizoram Order No.B.13021/101/2020-DMR/VoI-IV Dt. 29.6.2021 tlawh chhanin, mipuite an lo him tlan zawk nan leh contact tracing team te'n chak zawka hma an lak theih nan Lawngtlai khawpui chhung leh Diltlang 'S' khaw chhungah te ni 12.7.2021 (Thawhtanni) zan dar 7:00 atanga ni 16.7.2021 (Zirtawpni) zan dar 7:00 thleng curfew a puang.
District Magistrate thu chhuahin a tar lan danin, hemi curfew hun chhung hian -
1. Lawngtlai Town chhungah dawr khar vek tur a ni.
2. Mipui pawn chhuah khap tlat a ni.
3. Head of Department-te'n hna tul zualpui thawk tur chauh office kai turin an ruat ang. Office kai turte hian Police/Executive Duty/VLTF te en theih turin detailment order an keng tur a ni.
4. Essential Commodities/Thlai te chu VLTF-te ruahmannain home delivery-a kalpui tur a ni ang.
5. Hmasawnna hna thawh (in sak/lei laih, etc.) khap rih a ni a. Tul bik thila hna thawh ngei ngei ngaiah chuan Zonal Officer-te kal tlangin District Magistrate-ah phalna lak hmasak tur a ni ang.
He thupek hian a hnuaia tar lante erawh hi chu a huam dawn lo a ni.
1. Covid-19 Official duty-te.
2. Medical duty-te.
3. Magistrate, Police leh Home Guard duty-te.
4. VLTF member duty-te.
5. Chanchinbu mite, Cable TV leh Internet Provider-te.
6. ASF avanga DVO leh DCVO (LADC) hnuaia duty-te.
7. Fire & Emergency service duty-te.
8. PHE, PWD & P&E Dept hnuaia emergency duty-te.
9. Bank-a hna thawktute.
10. Disaster Management hna thawktute leh DC leh LADC hnuaia Quick Response Team-te (chhiat rupna lo thlen palhah).
11. Sanitation Dept, LADC thawktute (bawlhlawh an paih dawnin).
12. Mizofed filling station @AOC leh Mavula filling station @Siaha road.
13. Medical Emergency leh thihna avanga chhuah ngai, veng VLTF lehkha kengte.
14. Bungraw load leh unload-te.
15. District Magistrate leh Sub Divisional Magistrate-in phalna an pekte.
16. Chhiatni/thatni chu SOP hman lai angin kalpui theih a ni.
17. Sawrkar programme ruahman sa, loh theih lohva kal tlangpui ngaite.
He thupek zawm lote chu The Mizoram (Containment & Prevention of Covid-19) Ordinance, 2020 hnuaiah hrem an ni ang.
Attachment
- Loading attachment...
