Vawiin chawhnu khan Lawngtlai Bawrhsap Pu J. Hmingthanmawia kaihhruaina hnuaiah Lawngtlai khawpui a sawrkar mi pawimawh hrang hrang leh tlawmngai pawl, VC leh Chanchinbu mite DC Conference Hall an thukhawm a; Lawngtlai khawpui hmasawnna tur hrang hrang te an sawiho.

He thutkhawm chairman Pu J. Hmingthamawia chuan Lawngtlai khawpui hian rorel na hmun pahnih District Council leh State Administration a neih avangin hmasawnna thawh kawngah leh mipuite zirtirna kawngah thawhhona tha tak a awm a ngai a, chuvang chuan vawiinah hian Council leh State hnuaia Officer pawimawh Lawngtlai khawpui chhung hmasawnna hna thawk chi Department te a ko khawm tih a sawi hmasa a, thahnem ngaih taka a mi sawm te an tel thei chu lawmawm a tih thu a sawi.

Vawiina thukhawm te hian Lawngtlai khawpui huam chhunga ram leh in leh lo kangmei laka venhim dan tur leh mipuite zirtir dan turte, tha zawk a ran khuahkhirh dan tur te, faina lama chak zawka thawhho dan turte, chhiatrupna laka in ven dan leh mipuite zirtirna te an sawi a. Heng bakah hian khawpui chhunga lirthei dahdan felfai zawk, zan boruak him zawk leh in satuten an insakna bungrua felfai zawk a na dah theih dan tur te pawh an sawiho bawk.

Heng te bakah hian member kalkhawmten Lawngtlai khawpui te tana tul leh tha ni a an hriat te an tarlang hlawm a, Bawrhsap in Lawngtlai khawpui hmasawn zelna tur ngaihtuah a hetianga inhmuhkhawmna a siam chu lawmawm an tih thu an sawi a ni.

He inhmuhkhawmnaah hian State Departmen, LADC, NGOs leh Chanchinbu mi thahnem tak an kal khawm a ni.