Krishi Vigyan Kendra (KVK), Lawngtlai chuan nimin (July 8, 2016) khan Kawlchaw 'W'-a theihai chingtute (Mango Growers' Association) nen inkawm hona (farmer-scientist interaction) hun an hmang.

Kawlchaw 'W' theihai chingtute chuan KVK mi thiamte'n an zir chianna atanga technology thar an pek chu kuminah an theihai enkawl nan hmangin, hei vang hian kuminah nasa takin theihai nget a kiam phah niin an sawi a. KVK mi thiamte pawhin an technology thar a hlawhtling chu lawmawm an tih thu an sawi.

He hunah hian KVK mi thiamte chuan theihai chingtute'n an mamawh 'foot sprayer' pakhat chu MGA hnenah hian an hlan a. In lama inkawm hona hun an hman bakah, theihai huan lamah kal chilhin zirtirna an pe bawk.

He hun hi Senior Scientist and Head Dr Michelle C.Lallawmkimi'n kaihruaiin, Plant Protection Scientist Pi Esther Zonunpuii'n zirtirna a pe a. Anni bakah hian Scientist dang pathum an tel bawk.