2028/2025-2026

Lawngtlai, 8th September 2025: Vawiin khan Mizoram Premier League Season - 12, Round- 10 Lawngtlaia khelh tur chungchangah MPL Lawngtlai Organising Commitee ten DC Office Chamber - ah thutkhawm an nei a. Pu Donny Lalruatsanga, Lawngtlai Bawrhsap leh Chairman, MPL Lawngtlai Organising Committee, nibawk chuan thutkhawm hi a kaihruai.

Pu Donny Lalruatsanga chuan kalkhawmte hnena lawmthu sawina neiin, Mizorama League lian leh ngaihhlut tak Lawngtlai hmun ngeiah khelh a ni ve dawn ta chu lawmawm a tih thu a tarlang a. MPL Season - 12, Round -10 hlawhtling taka khelh a nih theih nan Organizing Committee - te theihtawp chhuah tura fuihin, Lawngtlai mipuite pawh inkhel en vek turin a sawm nghal bawk.

Pu C. Hrangthianga Organising Committee Co- Chaiman - in thutawi sawina a neih hnuin, Pu Joseph Lalhmingthanga Chinzah, Organising Secretary, chuan report pekna neiin, thurel tang nghal a ni a. Promo video leh Digital Flyers- lo Siam turin DIPRO chu ruat a ni a, inkhel entumte tan Ticket Siam nise tih niin, LDFA kutah mawhphurhna dah a ni. Medical duty - turin CMO lamah ngenna siam nise tih a ni a, Security leh Traffic duty chu SP Office, Lawngtlai kutah dah a ni. CYLA Playground leh MPL Team -te thlenna hmuna kawlpetha pek chu EE,P&E kutah dah niin, tui thianghlim pek chu EE, PHED kutah dah a ni bawk.

Inkhelhna hmun tur CYLA Playground - hmunhma tifai turin MPWD leh Sanitation, LADC hnenah ngenna siam nise tih niin, Organising Commitee ten ni 13, September (Inrinni) tlai dar 3 ah tlawh nise tih a ni bawk a. MPL Team - zawng zawngte chu Areopagy - ah lo hmuah ni se an ti a, September 3rd Week - ah Meeting hi neih leh ni an ti bawk a ni.

Vawiin thutkhawmah hian MPL Lawngtlai Organising Commitee Member- te an tel kim tha hle a, Pu Donny Lalruatsanga, Lawngtlai Bawrhsap chuan lawmthu sawina neiin hun a khar.