689/2025-2026

Lawngtlai 31st May 2025 : Ruah sur nasa avanga nizan dar 10:45 vela Lawngtlai Bazar Veng leh Chandmary Venga Building pathum ve ve chimin a chim hnante chu dam taka  lakchhuah fel an ni.

Nizan zankhua leh vawiin nileng khan chhanchhuah hna hi Lawngtlai DC leh  CYLA  kaihhruiana hnuaiah State Disaster Response Force (SDRF)  3rd IR Battalion, Thingkah, Mizoram Police, Assam Rifles,  Quick Respone Team, District Disaster Management  & Rehabilitation leh CYLA Team ten an thawk a. Building chim hian mi pathum a chim hnan a, vawiin chhun khan mi pahnih te chu dam taka chhanchhuah niin, zanin dar 7:50 PM  khan pakhat dang chu dam taka chhanchhuah leh  a ni.  Lei chimin a  chim hnan te hi chhanchhuah vek tawh niin tunah hian District Hospital, Lawngtlaiah enkawl mek an ni.

Building chim hian NH- 2  kawngpui  a hnawh ping vek a,  a thenfai hna  hi thawh nghal a ni.