Vawiin chhun dar 11 khan Lawngtlai DC Pu B. Lalhmingthanga hoin Lawngtlai District-a 23rd National Road Safety Week hman dan tur rel a ni. Kuminah hian Road Safety Week hi district pali - Aizawl, Saiha, Lawngtlai leh Mamitah te hman a ni dawn a. Theme atan “Accidents bring tears, safety brings cheer” tih hman a ni ang.

Road Safety Week hawnna hun ni 30 Jan, 2012 zing dar 8:00 ah Lawngtlai Bazarah hman a ni ang a. A kharna hun chu CYLA Hall, Lawngtlai - III ah ni 3 Feb, 2012 ah hman a ni ang. Lawngtlai District chhungah Road Safety Week pual hian Mobile Court buatsaih a nih dawn bakah chanchinbu lam hmang tangkaiin theihtawpa tan lak tum a ni.