Vawiin khan RMSA, Lawngtlai District huaihawtin Lawngtlai Chandmary YLA Inpui-ah hnam thil kut (cultural festival) KALA UTSAV 2018 buatsaih a ni a. Zirlai naupangte'n India rama hnam hrang hrang lam an entir.
He hunah hian Khuallian, District Education Officer Pi Zohmangaihi chuan thu sawiin, Kala Utsav chu Deptt of School Education & Literacy, Ministry of Human Resource Development, Govt of India te'n kum 2015 atanga neih tan tura an kalpui a nih thu a sawi a. He programme hi zirna pangngai piah lama zirlai naupangte thiam thil (talent) hai chhuahna tura duan niin, art festival anga hman thin a nih thu a sawi a. Kala Utsav chuan India ram puma kan hnam ziarang leh nihna pholan leh hriatna kawngah zirlaite nasa taka a pui a, India ram chu cultural heritage-a a hausakzia hriat nan leh hnam inlungrualna kan lo neih zel theih nan buatsaih thin a ni, a ti.
He hun hi Lawngtlai District RMSA Dy DPC Pu H. Laltanpuia chuan kaihruaiin, programme buatsaih a nih dan a sawi a. Kum 2016 atang khan Lawngtlaiah kum tin buatsaih chhoh zel a nih thu sawiin, he hun hlawhtlinna atana an thiam thil entirtu zirlai naupangte hnenah lawm thu a sawi bawk.
Kala Utsav 2018 Lawngtlaia hmannaah hian Lawngtlai khawpui chhunga sikul 10 atangin zirlaite'n hnam zai leh lam chi hrang hrang an sain, an entir a ni.
