SP Traffic Aizawl chuan kumin December ni 4 atanga ni 9 chhunga Electric Veng Presbyterian Biak In ah Synod Inkhawmpui neih a nih dawn avangin Electric Veng Presbyterian Biak In leh a chheh vela lirthei leh mipui kawng hmangtute remchan zawkna tur leh himna atan a hnuaia mi ang hian ruahmanna a siam. Inkhawmpui neih chhunga inkhawm kal leh ban hunlai a lirthei tlan te himna atan he ruahmanna hi mipui te zawm theuh tura ngen leh hriattir kan ni.

1. Sakawrpului atanga Presbyterian Kohhran Biak In kawmthlang Zotui Tuikhur thleng Hmar lam pan chauh a tlan phal (One Way) a ni ang. 

2. Zirtiri Residential College Junction atanga Electric Veng -via- Bazar road chu inkhawm kal hunlai leh ban hunlai in Zirtiri College atang chauha tlan (One way) phal a ni ang. 

3. Bazar Road Pu Laldenga (L) kawt (Sakawrpuilui leh Ramthar, Chhinga Veng junction) inkar hi Bus Dropping Zone a nih dawn avangin helai kawt hi inkhawmpui chhung chu No Parking Zone a ni.

 4. Aizawl khawpui hmun hrang hrang atanga Bus hmang a inkhawmpuina a kal turte chuan Lower Zarkawt-ah in drop in St. Mary’s pan chhukna atangin Biak In hi kal tur a ni ang.  

5. Grace Nursing Home atanga Bezalel dawr (Chawlhna Hotel step tawp) inkar hi Dropping Zone atan hman tur a nih avangin lirthei eng chi mah park phal a ni lo.

6. Bazar Bungkawn atanga Electric Veng -via- New Market hi inkhawm ban lai zanlamah One Way a ni ang. 

7. Parking hmun a that loh avangin a theih chin chinah lirthei hmang lo theilote pawhin dropping & pick up atan chauh lirthei keng tura ngen an ni a. Lohtheihlo a lirthei keng te tan Chhungte International Parking lot leh YMA parking leh vengchhungin hmun thenkhat park theihna tura an siam ah te a park theih ang.