3473/2023-2024

Lawngtlai dated 24th January 2024: Vawiin chawhma khan DC Conferenec Hall-ah District Research Office bultumin LADC huam chhung a Registrar of Births & Deaths-te tan ni khat awh training buatsaih a ni a. Pu Samuel Lalmalsawma sailo, SDC chuan hun hman puiin Pu Jimmy Lalkungliana Sailo, District Research Officer chuan hun a kaihruai a ni. LADC huam chhung a RBD mi 85-te tan vawiin hian Training hi buatsaih a ni.

Pu Samuel Lalmalsawma Sailo, SDC chuan Lawngtlai district chu ram dang nen a ramri thui tak intawm kan nih angin nau piang leh boral ziah luhna felfai tak neih reng a tul thu sawiin chumi tur chuan District Research Office hnuai a RBD te an pawimawh thu a sawi a. Sawrkarin hmalakna leh hmachhawp hrang hrang a duanna kawng ah DRO-te data lakkhawm chu rintlak ber a ngaih thin a nih angin rintlak ni turin Training-na hun chu hmang turin duhsakna a hlan.

He hun ah hian Pu H.Lalkhawngaiha, Inspector of Statistics leh Pi A.Siamliani, Inspector of Statistics-ten Training an pe a ni.