3474/2023-2024

Lawngtlai dated 24th Janaury 2024: Vawiin chawhma khan Pu Cheemala Siva Gopal Reddy, IAS, Deputy Commissioner, Lawngtlai district pisaah Jal Jeevan Mission leh Swachha Bharat Mission hnuai a in tin a tui herh haw theih tur a hmalaknate, khawpui thang zel avanga tui mamawh pung zel phuhru tur a hmalaknate leh inthiarna hmun felfai leh bawlhlawh sakhat leh tui ril sawngbawlna tur a hmalakna thlir hona hun neih a ni a. Pu Netralal Jaisi, Sr. EE, PHED chuan hemi kawng a hmalakna leh hma chhawp hrang hrang awmte tarlanna hun a hmang a ni.

Pu Cheemala Siva Gopal Reddy, Deputy Commissioner chuan in tin a tui thianghlim herh haw theih tur a Jal Jeevan Mission leh faina kawng a hmalakna, Swachha Bharat Mission tih hlawhtlin chu sawrkar laipuiin a ngaih pawimawh thu sawiin chak zawk a hmalak a nih theih nan a tul anga Department dang nen a thawh ho thiam a pawimawh thu a sawi a. Heng Mission pahnih hnuai a la tih hlawhtlin loh leh hnufualna lai la awm te chu thawh hona tha tak hnuai ah rang tak a hmala tura a duh thu sawiin ODF plus verification team pawh thutkhawmnaah hian din nghal a ni.

Pu Netralal Jaisi, Sr. EE, PHED tarlan danin Lawngtlai district chhung a chhungkaw 24082 zing a 23607 chu Functional Household Tap Connection (FHTC) pek tawh niin in 475 hmabak neih a ni a, chungte chu Chawngte Sub-Division-ah in 327 leh Lawngtlai Sub-Division-ah in 148-te an ni. Heng hmalaknate hi a rang thei ang ber a tih fel tum a nih thu sawiin inkalpawhna kawng a harsatna chu hmalakna tithuanawptu pakhat a nih thu a tarlang a. Ruah tui khawlna tur sak kawng a ram hman chungchangah harsatna a awm thin thu a sawi bawk a ni. Open Defecation Free dinhmun hauh mek Lawngtlai district chu ram pawn atanga raltlan engemaw zah an awm reng avangin ODF dinhmun luah zel tur a khaw hrang hrang vil uluk a pawimawh thu leh Community Compost Pit leh Soak pit siamna khua 108 chu ODF+ a hlan kai theih an nih thu sawi a ni bawk.

Vawiin Lawngtlai District water & Sanitation Mission thutkhawmnaah hian Block leh Village Level-a hmalaknate thlir ho niin tui kawng leh a pump-na khawl enkawl kawng a khawtlang mipuite nen a thawh ho dan tur sawi ho a ni a. SDO, Lawngtlai leh Chawngte huam chhung a hnathawh mek te Powerpoint Presentation hmangin en ho a ni. Thutkhawmnaah hian Project Director, DRDO, Deputy Conservator of Forest, Chhimtuipui Wildlife Division, Chief Medical Officer, DIPRO leh District Education Office aiawhte an tel a ni.