4330/2024-2025

Lawngtlai, 19th February 2025: Vawiin khan Branch MSME, Development and Facilitation Office, Government of India, Aizawl, Commerce & Industries Department, Government of Mizoram leh Deputy Commissioner Office, Lawngtlai tagkawpIin  'Awareness Programme/ Camp on Prime Minister Vishwakarma Scheme ' chu DC Conference Hall- ah neih a ni a. Pu Zoramsiama Hmar, Addl. Deputy Commissioner chuan khuallian niin a hmanpui.

Pu Zoramsiama Hmar chuan kalkhawmte leh Aizawl atanga training pe tura lo kal mithiamte hnena lawmthu sawina a nei hmasa a. PM Vishwakarma Scheme-  pawimawhna tarlangin, kut themthiamte thiamna tihpun bakah sum leh pai hmanga tanpui leh an thil siam hlawk leh man man zawka hralh na tur zawnsak a nih thu a tarlang a. Addl. DC chuan Central Scheme hrang hrang zingah PM Vishwakarma chu  pawimawhin ram mipuite pawhin an chhawr nasat ber niin, Prime Minister Office atanga vil reng a nih bawk avangin ngaihpawimawh a tul hle a ti.

Khuallian chuan Lawngtlaia kut themthiam tam takte tan chhawr tangkai theih tur tak a nih angin, kut themthiamte chu  ngaihlua,  thahnem ngai leh hlawk taka he scheme lo chhawr turin a chah a. He Scheme chungchang hre chiang duh leh tanpuingaite tan District Commerce & Industries Office leh Deputy Commissioner Office - te an inhawn reng thu a tarlang a. Pu Zoramsiama Hmar chuan Lawngtlai District- a kut themthiamten 'PM Vishwakarma Scheme'  hlawk taka an chhawr theihna tur leh traning hlawhtling taka nei turin duhsakna a hlan nghal bawk.

Vasiin hun hmannah hian Pu Diwakar, Asst. Director ( IEDS) Br. MSME- DFO, Aizawl chuan lawmna thu sawiin, Pu Stanis T. Tuikhar, Consultant, SPMU leh Pi Biakchungnungi, DCIO, District Industries Centre, Lawngtlai chuan thu tawi  sawina an nei a. Chawhnu lamah training neih ngal niin, Pu C. Lalramluahpuia, District Coordinator on PM Vishwakarma Scheme, Pi Bestie K. Vanlalpeki, Consultant, State PMU leh Pu K. Lalfamkima, District Manager, CSC, Lawngtlai ten thupui then hrang hrang hmangin zirtirna an pe a ni.

Prime Minister Viswakarma Scheme-  hi Sawrkarlaipuia Ministry of Micro, Small & Medium Enterprises (MSME) hnuaia kalpui niin, India ram thingtlang leh khawpuia kut themthiamte tanpui leh hamthatna pek bakah 'market' tha zawk zawnsak hi he scheme tum ber a ni.