4329/2024-2025

Siaha the 19th February 2025: Deputy Commissioner’s Office, Siaha leh Mizoram Social Defence & Rehabilitation Board tangkawp buatsaihin District Level Nasha Mukt Bharat Abhiyan (NMBA) hnuaiah ‘One day Training of the Trainers (TOT) Programme on Drug abuse prevention for Master Volunteers and Nodal Teachers/NGOs’ chu vawiin chawhma dar 10 khan MADC Golden Jubilee Hall, Council Vaih-ah neih a ni a, Siaha District NMBA Nodal Officer leh SDC Pu Thomas Maratha Hlychho chuan he hun hi kaihruaiin District Bawrhsap Pu VL Hruaizela Khiangte, District NMBA Chairman nibawk chuan he hun hi a hmanpui.

Pu VL Hruaizela Khiangte chuan kalkhawmte chu chibai a buk a, ruihhlo chungchanga training buatsaih chu a pawimawh hle tiin Siaha District chu ruihhlo in a run nasa hle a, ram innghahna zirlaite chu ruihhlo laka fihlim tlat turin leh vawikhat tihchhin chuan ngawl veina a thlen thei a, kawng engkima ram innghahnate chu ruihhlo lakah inthiarfihlim tlat turin a chah.

Ruihhlo chuan mahni mai a tibuai lo a, chhungkua, khawtlang bakah ram leh hnam thleng nghawng thei a ni a, kalkhawmte chu an mahni mai bakah midang hrilhchhawngtu ni theuh turin leh Kawng engkimah malsawm tlaka thawk tur leh zir thin turin a chah a, beidawng lova bei tang tang thin te chu Pathian in a tanpui thin a, hlawhtlinna an hmu thin a ti. Siaha district chu ruihhlo lakah humhalh a, district dang tan entawntlaka siam a, Khaw nuam taka siam turin theihtawp chhuah ho a tul a ti bawk.

NMBA Siaha team-te chu chhuanawm a tih thu Pu VL Hruaizela Khiangte chuan sawiin nikum lamah pawh nasa takin hma an lo la tawh a, hmun hrang hrangah awareness programme-te buatsaih thinin Mizoram pumah thawk tha ber an ni thei te chu ropui a ti hle tih a tarlang bawk a ni.

Vawiin programme hi chhawng hniha then a ni a, inauguration program zawh hian training neih nghal niin MSD&RB, Aizawl atanga resource person ten thupui hrang hrang hmangin zirtirna an pe a ni. Pi Vanlalhruaii chuan Basic of drug classification and Mizoram Drug Scenerio tih leh Councelling and Life Skills thupui hmangin zirtirna a pe a, Pu Lalrindika chuan Stigma and discrimination, behaviour change communication tih leh roles and responsibilities of Master Volunteers and Nodal Teachers Tih thupui hmangin zirtirna a pe thung a ni.

Siaha khawchhunga school naupangte, NGO aiawh te leh sawrkar Official te an kalkhawm a ni.