4328/2024-2025

18th February, 2025 : Vawiin chawhnu khan Pu Cheemala Siva Gopal Reddy, IAS, Deputy Commissioner, Lawngtlai kaihhruaiin a Office Chamber- ah District Health & Famliy Welfare Department leh District Hub for Empowerment of Women (DHEW), Women & Child Development Department-  ten thutkhawm an nei.

Pu Cheemala Siva Gopal Reddy chuan Lawngtlai mipuiten hriselna tha nei tura Health & Famliy Welfare Department hnawthawh leh hmeichhiate dikna chanvo humhalh tura District Hub for Empowerment of Women (DHEW), hmalakna fakawm a tih thu a tarlang a. Department pahnihte hnathawh a chak zawk theihna tur leh mipuiten hlawkna tha zawk an hmuh theihna turin a theih chin chinah thawkho a,  information leh data an neih ang angte in hrilhtawn thin turin a chah a. A bik takin PMMVY leh JSY ah thawhhhona tha zawk a awm theih daen thu tarlangin, chak zawka hmala turin a chah a ni.

Dr. David Zothansanga, Sr. Chief Medical Officer chuan District Health & Family Welfare hmalakna tlangpui sawina neiin, Pi F. Lalengvari, District Mission Coordinator,DPO Office chuan DHEW hmalakna a tarlanna a nei bawk.

Thutkhawmah hian thil pawimawh tak tak rel leh sawiho a ni a. PMMVY leh JSY chak zawka kalpui turin ' Bank Account' nei lote tan chak zawka jmalak ni se, VIllage Council leh NGO te tha zawka thawhluo nise an ti a. One Nation One Helpline Rally chu ni 21 February ah hman ni se an ti bawk.