4327/2024-2025

Dated Aizawl: the 18 February 2025 : Vawiin chawhma  dar 11:00 khan Pu B.Lalchhanzova, Minister LR&S chuan Irrigation & Water Resources Department Auditorium, MINECO ah National geospatial Knowledge-based land Survey of urban Habitations  NAKSHA tia lamtawi chu a khuhhawng.

Hawnna hunah hian khuallian Minister chuan NAKSHA kal tlanga  khawpui land record tih chantlun dan turte sawifiahin, Aizawl South area chu Oblique Angle Camera leh LiDAR sensor te hmanga drone emaw helicopter a thla lak anih hnu ah  3D map teh theih siam chhuah a nih dan tur te,  chu chu leilungah finfiah na neih leh vek a nih hnu ah final Map siam a nih tur thute a sawi a. Minister chuan, Map chu 3D anih dawn avangin ram pass zawng zawng chhinchhiah anih bakah ram chhunga awm in leh building te pawh teh theih in a awm vek dawn a, hchu chu Revenue dept leh UD&PA te, AMC te, Disaster Management lam mai  bakah khawpui planning lam thleng atan hmanraw pawimawh tak a nih  tur thu a sawi bawk a. Programme a lo hlawhtlin theih nan tlawmngaipawl leh khawtlang mipuite thawhhopuina a ngen nghal bawk a ni.

NAKSHA hi Ministry of Rural Development hnuaia Department of Land Resources in Central Sector Scheme kal mek DILRMP hnuaia Programme thar ani a. He Programme hnuaiah hian India Khawpui 153 te chu Pilot project atan thlan niin chung zing ah chuan Aizawl South (AMC ward XI to XIX) huam chhung chu Mizoram atanga thlan a ni. 

Vawiina hun hman hi Pu Vanlalmawia, Secretary LR&S in kaihruaiin, Pu R Lalthazuala, Director LR&S chuan a scheme sawi fiahna hun a hmanga, Survey of India lam mithiam ten technical report an pek bakah Drone hmanga thlalak/mapping tih dan demonstration an nei nghal a. Pu Lalhmunsanga Hnamte,  Additional Secretary chuan lawmthu sawiin hun hi a khar a ni.

He programme khuh hawnna hi India ram pum puiah a ruala kalpui niin Sawrkar laipui ah chuan RD Minister Shivraj Singh Chouhan an Raisen, Madhya Pradesh ah a tlangzarh a ni.