Election Commission of India (ECI)-in Mizoram MLA inthlan hun tur a puan a, model code of conduct (MCC) hman tan a nih tak avangin vawiin khan Lawngtlai DC Conference Hall-ah District Election Officer/Bawrhsap Pu N. Chakhai MCS hovin Lawngtlai District chhunga inthlan kaihhnawiha inbuatsaihna leh tih tur hrang hrangte sawi ho a ni.

He hunah hian Lawngtlaia sawrkar office hrang hrang hotu lute an kal khawm a. MCC hman laia hna thawh dan tur te, inthlan lo awm tura sawrkar hna thawkte tih tur hrang hrang leh tluang taka inthlan kalpui a nih theih nana hma lak dan tur te an sawi ho.