1633/2024-2025

Dated Lawngtlai, 16th August 2024: Vawiin khan Mission Shakti hnuaia District Hub for Empowerment of Women (DHEW), District Programme Office (Women and Child Development Department) Lawngtlai District hmalaknain Beti Bachao Beti Padao (BBBP) 100 Days Campaign bawhzuina puala 'Thing phun hnatlang (Plantation Drive) chu Observation Home, Dinthar Lawngtlai Council Vengah neih a ni a, Pu Zoremsiama Hmar, Addl. DC chuan khuallian niin hun hmanpui.

Pu Zoramsiama Hmar chuan Beti Bachao Beti Padao (BBBP)  pawimawhna leh BBBP hnuaia hmalakna kalpui a lo nih tawh dan kawng hrang hrangte a sawi a. India ram pum anga thlirin hmeichhe naupiang an tlem zawk thu leh hmeichhe fa enhranna a awm thin avangtea hetiang lam hawia thil chin thalote nuaibo anih theih nan Sawrkarin theihtawp a chhuah a ni, a ti a. Mizoramah ngei pawh hmeichhe naupang dinhmun harsa tak tak an tam hle a, an harsatna sukiang tur leh tanpui an ngaihna a tanpui tura Women & Child Development Department- te an awm reng chu a thil lawmawm tak a ni, a ti. India ramah hian mipa leh hmeichhiate hi kawng engkimah an intluk tlang vek a ni  tih hi nasa zawka inzirtir a tul  hle a ti a. Fanu te chu venghima, mipuitling  taka chherchhuak turin Sawrkar, Kohhran leh tlawmgnai pawlte thawhhona tha neih a tul hle tiin, theihtawp chhuaha ke pen ho turin kalkhawm leh Lawngtlai mipuite a sawm.

Beti Bachao Beti Padao (BBBP) 100 Days Campaign bawhzuina puala 'Thing phun hnatlang (Plantation Drive)' ah hian Pu Zoramsiama Hmar, Addl. DC, Pi Jothansangi Tlau, CJM, Pu K Lalromawia, DCCF (EF&CC), LADC, Pu Zonunchama Ralte, DIPRO, Dr. R. Lalruatfela ACF (Wildlife), Mizoram leh Pu Lalfakawma Varte Superintendent, Observation Home- ten thingtiak an phun a ni.

Vawiin Beti Bachao Beti Padao (BBBP) puala 'Plantation Drive' hi Pi F. Lalengvari, District Mission Coordinator, DHEW chuan kaihruaiin kalkhawmte lawmna thu sawiin hun kharna a nei nghal a. Beti Bachao Beti Padao (BBBP) puala 'Plantation Drive' thupui atan hian 'Promote Importance of Girl Child' thlan a ni.