1632/2024-2025

Dated Hnahthial, the 16th August, 2024: Vawiin tlai khan Home Minister, Pu K. Sapdanga chu Hnahthial-ah thlengin Hnahthial Bawrhsap, Pi Rita Lalnunmawii Pachuau chuan a pisaah a lo dawngsawng a. Hnahthial bialtu MLA, Pu Jeje Lalpekhluan chuan Minister hi a tawiawm a ni.

Home Minister, Pu K. Sapdanga chuan Hnahthial tluang taka a thleng thei chu lawmawm a tih thu sawiin tha taka an lo dawnsawnnaah lawmthu a sawi a.

DC office a tlawh zawhah hian Minister chuan District Urban Development Office chu tlawhin office hmunhma leh an office dinhmun enfiahna a nei nghal a. Minister chuan Hnahthial SP office tlawh leh bawkin Hnahthial SP Pu Shivendu Bhushan chuan Hnahthial Police Station hmalakna - ruihhlo, zu, traffic leh a dang hrang hrang chungchang thlirhona neih puiin Hnahthial police station-a hmalakna awm thei bakah hmalakna ti thuanawp thei chungchang sawihona neih nghal bawk a ni. Hemi zawh hian Home Minister chu MLA office-ah mipui, a duh apiang tana dawr theih turin a thu a ni.

Home Minister hian naktuk zingah Aizawl a pan hmain Hnahthial SP leh Fire hmunhma te, Saithah kawnga bawlhlawh paihna, Model venga Pu Rokima in bul kawr leh Hnahthial field ko chhak min te chu a hmunah tlawh kual turin ruahmanna a siam a ni.