1631/2024-2025

Dated Hnahthial the 16th August, 2024: Mizoram Horticulture Department in sawhthing tam natna enkawl dan inzirtirna fehchhuah runpui a huaihawtna “Operation Ginger 2024” chu Hnahthial District a Tarpho khuaah vawiin chawhnu dar 2:30 pm khan neih a ni.

He hun hi District Horticulture Officer Pu Lalthakima’n kaihruaiin, Pi Emelyne Lalmawipuii, Assistant Director leh Pu Lalrotawma, Senior Horticulture Demonstrator ten training an pe a. Directorate of  Horticulture leh District Horticulture Office a Staff ten an tawiawm bawk a ni. 

Training ah hian sawhthing natna leh ei chhe tu hrang hrang te zirchian ni in sawhthing tam tur ven dan leh a tam tawh te enkawl dan zirtirna neih a ni a. Society te hnenah sawhthing ching tu ten an hman tangkai turin Sprayer bakah a enkawlna tur damdawi Fungicide leh Insecticide te pek nghal an ni bawk.

Operation Ginger 2024 hi August thla chhung hian Hnahthial District a khaw hrang hrangah te neih tum a ni.