Vawiin khan Lawngtlai East Assembly bial huam chhunga Booth Level Officer (BLO)-te tan Lawngtlai DC Conference Hall-ah Electors Verification Programme (EVP) leh thla thar October ni 15 atanga Electoral Roll Special Summary Revision neih tur chungchang training buatsaih a ni.

Lawngtlai Election Officer Pu Lalremruata Sailo, MCS chuan BLO-te hi training pein, EVP chungchang leh special summary revision neih tur atana hriat tur pawimawh hrang hrangte a hrilhfiah a. Electoral roll-a kan hming leh chanchin dang ziah luh dan a dik leh dik loh mahnia enfiah nan National Service Voter's Portal (NSVP) leh smartphone-a Voter Hepline Apps emaw, Common Service Centre emaw a hman theih thu sawiin, siam that ngaite chu September thla chhungin BLO kal tlanga siam that tur a ni, a ti a. BLO-te chu electoral roll felfai leh rin tlak tak neih a nih theih nana an pawimawhna hre chiang deuh deuh va, uluk leh fimkhur taka hna thawk turin a chah.

Tuichawng bial leh Lawngtlai West bial khaw thenkhata BLO-te tan Electors Verification Programme chungchanga training hi nimin khan Chawngteah buatsaih a lo ni tawh bawk.