Vawiin khan Lawngtlai DC Conference Hall-ah Siaha leh Lawngtlai District chhunga Regular Charge Assistant-te tan kum 2021 Chhiarpui (Census 2021) lo awm tur puala thil pawimawh inzirtirna (training) buatsaih a ni.

Lawngtlai SDO (Sadar) Pu V. Lalruatliana, MCS chuan training hi a hawng a. Chhiarpui chu ram dinhmun hriatna pawimawh tak a nih avangin uluk taka training turin trainee-te chu a chah.

He training hi ni hnih awh tur niin, Siaha District atangin mi 6, Lawngtlai District atangin mi 10, an zavaiin mi 16 an inziak lut a. Directorate of Census Operation Mizoram atanga lo kal Pu Jeremy L. Fanai leh Pu Naresh Sahai te'n training hi an pe a ni.