No.98/2021-2022

Lawngtlai, Tau thla ni 12, 2021: Vawiin khan Lawngtlai District Additional Deputy Commissioner Pi Marilyn Rualzakhumthangi hovin a office chamber-ah 1st Batallion National Disaster Response Force (NDRF)-in Lawngtlaia chhiat rupna thleng thei laka inven dan leh a lo thlen thulha chet lak dan tur inzirtirna, Familiarisation Exercise (Famex) an rawn buatsaih tur chungchang leh a bawhzui dan tur sawi ho a ni.

NDRF Familiarisation Exercise hi April ni 27 atanga May ni 4, 2021 inkar chhungin buatsaih tum a ni a. A thu leh chetziaa entirna hmanga vantlang hnena zirtirna hun (community awareness programme) bakah, chhiat rupna thlen thulha chet lak dan tur hriat thiam theih nana Lawngtlai District dinhmun zir chianna (familiarisation of area) kalpui tum a ni a. Community awareness programme neihpui atana tinzawn zingah hian zirlaite tel mah se, COVID-19 hri leng kaihhnawihah an tel remchan theih dan tur hriat a nih loh avangin sawrkar hna thawkte leh Young Lai Association hnuaia Lawngtlai khawpui chhung branch hrang hrangte tinzawn phawt ni se, tih a ni.

1st Bn NDRF hi 5th Bn IR camp, Lungverah an inkulh mek a. Lawngtlaia Famex buatsaih tur hian member 20 telna team pakhat an lo kal dawn a ni.