No.99/2021-2022


Vawiin khan Regional Consultation of North Eastern Region Sustainable Development Goals (SDGs) Index & Dashboard chu a vawi khatna atan State Convention Centre, Shillong ah neih tan a ni.

He Regional Consultation hi ni 4 chhung awh tur niin, Ministry of Development of North East Region (DoNER); NITI Aayog leh United Nation Development Programme (UNDP) tangkawp in an buatsaih a ni a, he workshop ah hian Sustainable Development Goals (SDGs) ti hlawhtling tura North East States hrang hrang te hmalakna leh thlenchin tehna tur tehfung (Indicators) zir chian a ni ang.

Kum 2018 atang khan kum tinin NITI Aayog in India ram State hrang hrang te leh Union Territory te SDGs tih hlawhtlinna kawnga kan thlenchin leh dinhmun tlangpui tarlangin ranking a ti chhuak a, kum 2018 khan India rampui ah Mizoram chuan dinhmun 6-na hauh pha ani. Amaherawh chu Indicator thenkhat ennawn (revised) anih avangin kum 2019 ranking ah erawh Mizoram dinhmun a tlahniam hret a, India ram pumpui ah 12-na niin Mizoram score hi za zelah 56 chauh ani. Mizoram sawrkarin theih tawp chhuahin hma ala chhova, Kum 2020 ranking thar berah Mizoram score chu 56 atangin 66 a ravvn chho ta a, state thanna hi za zela 16.07% lai niiin hma kan nasa takin kan sawn ani. North East States hrang hrang te dinhmun tlangpui tarlanna atanga alan danin North East States a District Za leh sawm pariat (118 District) tana ranking tihchhuah ah Mizoram score hi National score ai pawhin a tam zawk a ni. Kum 2020 ranking ah hian North East pumpui ah Mizoram chuan Pahnihna (2nd Rank) dinhmun a hauh pha a, N.E States hrang hrang te dinhmun tlangpui chu hetiang hi a ni.
Sikkim 1st Rank
Mizoram 2nd Rank
Tripura 3rd Rank
Manipur 4th Rank
Nagaland 5th Rank
Arunachal Pradesh 6th Rank
Meghalaya 7th Rank
Assam 8th Rank