Nimin khan Lawngtlai DC Conference Hall-ah Election Officer Pu Lalrinawma MCS hovin Lawngtlai District chhunga vaihlo leh a kaihhnawih khuahkhirhna dan Cigarettes and Other Tobacco Products Act (COTPA), 2003 kenkawh dan tur chungchang sawi ho a ni.

Meeting-ah hian DC office lam ai awhte leh National Tobacco Control Programme hnuaia thawktute bakah, Lawngtlai Anti-Tobacco Squad member-te an tel a. District leh sub-division-a sawrkar pisaahte Tobacco Team din a nih theih nan hma lak ni se tiin, Tobacoo Team te chuan thla thar apiangin Deputy Commissioner office-ah an hma lakna report theh lut thin se, an ti a. Kum 2018-2019 chhung atana vaihlo leh a kaihhnawih khuahkhirhna kawnga hma lakna tura District-in NEDP atanga Rs nuai 5 a dawn chu tangkai leh daihzai taka hman a nih theih nan theih tawp chhuaha hma lak chhoh ni se, an ti bawk