Vawiin khan Kumtluang Hall, CMO Office, Mamitah District Task Force on Immunization Meeting on Gram Swaraj Abhiyan - Mission Indradhanush (Aspirational District) chu an Vice Chairman Dr. Zothankhuma Chhakchhuak, CMO Mamit hovin thutkhawm a ni. 

Meeting-ah hian Gram Swaraj Abhiyan - Mission Indradhanush launching Programme neih dan tur chungchang sawiho a ni a. Ni 16th July, 2018 (Thawhtanni)-ah zinglam Dar 11:00 -ah District Hospital OPD kawtah Programme hi launch nise, Mamit District Bawrhsap chu khuallian ni-a hawnna hun nei tura sawm nise tih a ni a. Meeting-ah hian hun hman dan tur Programme kimchang duan nghal a ni. 

Vawiin thutkhawmah hian Dr. TC Hmingthangi, Member Secretary, DTFI & District Immunization Officer, Mamit District-in Gram Swaraj Abhiyan - Mission Indradhanush 1st Round - 3rd Round Report pein 1st Round (April thla) hian naupang vaccine pek tur target 146 ah 100% Achievement hmuh a ni a, nu naupai vaccine pek tur target 62 ah 100% Achievement hmuh a ni. 2nd Round (May thla) hian naupang 167 target-ah 185 lai vaccine pek an ni a. 114% lai hlawhtlinna hmuh a ni a, nu naupaiah mi 57 target niin mi 40 in Vaccine an la a, 70% Achievement hmuh a ni a. 3rd Round (June thla) -ah naupang 76 target-ah mi 56 vaccine pek niin nu naupai 13 target-ah 7 vaccine pek an ni a, 53.85% Achievement hmuh a ni. 1st Round - 3rd Round Result pumpui dinhmun chu naupang vaccine la hi an target atangin 99.48% niin nu naupai vaccine la hi an target atangin 75.76% an ni a. Duhthusam Achievement an neih loh chhanah District chhunga khuarel chhiatna thlen vang leh inkalpawhna kawngpui that tawk loh vangte a nih thu Report a ni bawk. 

Meeting-ah hian hri danna vaccine pek leh tur chungchangah Department dangte nena thawhhona tha neih dan tur sawiho a ni bawk. 

Vawiin Meeting-ah hian Sorkar Department hrang hrang aiawh, khawtlang hruaitute, tlawmngai pawl  hruaitute bakah thutharthehdarhtute an tel a ni.

Attachment

  • Loading attachment...