1942/2022-2023

Mimkut thla ni 15, 2022: Vawiin khan UD&PA Department hnuaia City Level Executive Committee on DAY-NULM (Deendayal Antyodaya Yojana-National Urban Livelihoods Mission) chu an Chairman, Lawngtlai Bawrhsap Pu Amol Srivastava hovin Lawngtlai DC Conference Hall-ah an ṭhu khawm a. DAY-NULM hnuaia hma lakna hrang hrangte an thlir ho.

He hunah hian DAY-NULM hnuaia hma lakna hrang hrang zingah khawpuia chenna in nei lote tana chenna tur ruahmansakna tur, Scheme of Shelter for Urban Homeless (SUH) chu uluk zawka thlir ho a ni a. He ruahmanna hnuaiah hian Christian Hospital Lawngtlai rama Project Cost ₹ 46,79,600/- hmanga sak tur Patients' Attendant Shelter (PAS) atana plan & estimate ruahman chu pawm a ni.